काठमाडौं । नेपाली बजारमा पछिल्लो तीन दिनमै सुनको मूल्य तोलामा १२ हजार ४ सय रुपैयाँले घटेको छ ।
नेपाल सुनचाँदी व्यवसायी महासंघका अनुसार मंगलबार सुनको मूल्य प्रतितोला ३ लाख ६ हजार १ सय रुपैयाँ कायम भएको छ । यो अघिल्लो दिनको तुलनामा ५ सय रुपैयाँ कम हो ।
गत शुक्रबारको तुलनामा भने सुनको मूल्य १२ हजार ४ सय रुपैयाँ घटेको हो । शुक्रबार सुन प्रतितोला ३ लाख १८ हजार ५ सय रुपैयाँमा कारोबार भएको थियो । पछिल्लो समय लगातार सुनको मूल्य घटिरहेको छ ।
यस्तै, चाँदीको मूल्य पनि मंगलबार १५ रुपैयाँले घटेर प्रतितोला ४ हजार ७ सय ६५ रुपैयाँ कायम भएको छ । शुक्रबारको तुलनामा चाँदीको मूल्य २०० रुपैयाँ घटेको हो । शुक्रबार चाँदी प्रतितोला ४ हजार ९ सय ६५ रुपैयाँमा कारोबार भएको थियो।
प्रकाशित मिति: मंगलबार, भदौ १६, २०८३
