नयाँदिल्ली । कोरोना संक्रमणबाट भारतको नयाँदिल्लीमा मृत्यु भएका १ नेपालीको १३ दिनपछि अन्त्येष्टि गरिएको छ ।
नयाँदिल्लीको पहाडगन्ज क्षेत्रमा कुरियर सेवामा कार्यरत झापाका ४९ वर्षीय ज्ञानबहादुर बस्नेतको २५ जेठमा मृत्यु भएको थियो ।
नेपाली जनसम्पर्क समिति भारतको सहयोगमा शनिबार दिल्लीमा उनको अन्तिम संस्कार गरिएको हो । जनसम्पर्क समिति भारतका अध्यक्ष बालकृष्ण पाण्डेले उनको शवलाई नेपाल पठाउन समस्या भएपछि दिल्लीमै अन्त्येष्टि गरिएको जानकारी दिए ।
'दिल्लीमा शव बुझ्ने व्यक्ति नभएपछि ग्रिनतारा सोसाइटीको पहलमा नेपाली जनसम्पर्क समिति भारतले शव बुझेर अन्तिम संस्कार गरेको हो', पाण्डेले भने ।
उनका अनुसार नेपालमा रहेका परिवारलाई पत्राचार गरेर शव व्यवस्थापन गरिएको हो । २२ जेठमा स्वास्थ्यमा समस्या देखिएपछि उपचारका लागि लेडिहार्डिङ अस्पतालमा लगिएका बस्नेतमा कोरोना पोजेटिभ पाइएको थियो । रासस
प्रकाशित मिति: आइतबार, असार ७, २०७७
-1732776560.jpg)
