काठमाडौं । गण्डकी प्रदेशमा थप २१ जनामा कोरोना संक्रमण पुष्टि भएको छ । स्वास्थ्य निर्देशनालयका अनुसार नवलपरासी बर्दघाट सुस्ता पूर्व र पर्वतमा नयाँ संक्रमित थपिएका हुन् ।
नवलपरासी पूर्वमा १८ जना र पर्वतमा ३ जनामा संक्रमण पुष्टि भएको स्वास्थ्य निर्देशनालयका निर्देशक डा. विनोद विन्दु शर्माले जानकारी दिए । उनका अनुसार नवलपरासी पूर्वको हुप्सेकोट गाउँपालिकाका १४, मध्यविन्दु नगरपालिकाका २, कावासोती नगरपालिकाका १ र पालिका नखुलेका १ जना छन् ।
यस्तै, पर्वतको फलेबास नगरपालिकामा १ महिला र २ पुरुषमा संक्रमण पुष्टि भएको हो । योसहित गण्डकी प्रदेशमा कोरोना संक्रमितको संख्या २ सय ४७ पुगेको छ ।
उनीहरू सबै भारतबाट फर्किएर जिल्लास्थित क्वारेन्टाइनमा बसिरहेका व्यक्ति हुन् ।
प्रकाशित मिति: बुधबार, असार ३, २०७७
-1732776560.jpg)
