काठमाडाैं । नेपालमा पछिल्लो २४ घन्टामा थप ३ सय २३ जनामा कोरोना संक्रमण पुष्टि भएको छ ।
स्वास्थ्य मन्त्रालयका प्रवक्ता डा. विकास देवकाेटाका अनुसार २ सय ८६ पुरुष र ३७ महिला गरी ३ सय २३ जना संक्रमित थपिएका हुन् ।
नयाँ संक्रमितमा मोरङका २ जना, सुनसरीका ५ जना, सप्तरीका ८ जना, नवलपरासीका ५ जना, बाँकेका १२ जना, बर्दियाका २८ जना, कास्कीका ३ जना, स्याङ्गजाका १० जना, बाग्लुंगका एक जना, बझाङका ६ जना, कंचनपुरका ३ जना छन् ।
यसैगरी अछामका एक जना, कैलालीका २ जना, डडेल्धुराका एक जना, दैलेखका ४७ जना, डोल्पाका एक जना, सुर्खेतका १० जना, जाजरकोटका ४ जना, सल्यानका ३८ जना, अर्घाखाँचीका एक जना, कपिलवस्तुका ५० जना, रुपन्देहीका ३ जना, भक्तपुरका एक जना, धनुषाका ८ जना, काठमाडौँका ४ जना, महोत्तरीका ३५ जना, रौतहटका ६ जना सर्लाहीका २७ जना रहेको स्वास्थ्य मन्त्रालयले जानकारी गराएको छ ।
यससँगै कोरोना संक्रमितको संख्या ३ हजार २ सय ३५ पुगेको छ ।
गत २४ घण्टामा ४३ जना डिस्चार्ज भएका छन् । याेसँगै काेराेनालाई जित्नेकाे संख्या ३ सय ६५ पुगेकाे छ । तीमध्ये २ सय ९९ पुरुष र ६६ जना महिला छन् ।
यसैगरी काेराेना संक्रमणका कारण मृत्यु हुनेकाे संख्या १३ पुगेकाे छ । डोल्पाका १ जना ५८ वर्षीय पुरुष र धनगढीकी ५५ वर्षीय महिलाको कोरोनाका कारण मृत्यु भएको स्वास्थ्य मन्त्रालयले जनाएको छ ।
डोल्पामा गत जेठ २१ गते राति २ बजेतिर पुरुषकाेको मृत्यु भएको हाे । ती पुरुष १६ गते सुर्खेतबाट गएर १८ गतेदेखि क्वारेन्टाइनमा बसेका थिए । उनी दमको रोगी भनेर जानकारी प्राप्त भएको देवकोटाले जानकारी दिए ।
त्यसैगरी मिर्गौलाको समस्या भएकी महिलाको धनगढीको सेती अस्पतालमा उपचारकै क्रममा मृत्यु भएको छ । मृत्यु भएपछि काेराेना परीक्षण गर्दा पोजेटिभ देखिएको देवकोटाले जानकारी दिए ।
प्रकाशित मिति: शनिबार, जेठ २४, २०७७
-1732776560.jpg)
