पाेखरा । गण्डकी प्रदेशमा शनिबार थप १७ जनामा कोरोना भाइरस संक्रमण पुष्टि भएको छ ।
थपिएका संक्रमितहरुमा स्याङ्जाका १० जना, कास्कीका ३ जना, पूर्वीनवलपरासीका ३ जना र बागलुङका १ जना छन् ।
प्रदेश स्वास्थ्य निर्देशनालयका अनुसार संक्रमितहरू स्याङ्जाको वालिङ नगरपालिकाका १६ देखि ५४ वर्षसम्मका ८ जना पुरुष र हरिनास नगरपालिकाका १८ र ४० वर्षका २ जना पुरुष छन् ।
यसैगरी कास्कीको रुपा गाउँपालिकाका २३ र ३२ वर्षका पुरुष तथा पोखरा महानगरपालिकाका ५९ वर्षका पुरुषमा पनि कोरोना पुष्टि भएको हो ।
त्यस्तै, नवलपरासीको बर्दघाट सुस्ता पूर्वको विनय त्रिवेणी गाउँपालिकामा १८, १९ र २७ वर्षका पुरुषमा कोरोना संक्रमण पुष्टि भएको हो ।
प्रकाशित मिति: शनिबार, जेठ २४, २०७७
-1732776560.jpg)
