काठमाडौं । कोरोना संक्रमणको आशंका गरिएकी १ महिलाको बिहीबार राति उपचारको क्रममा धुलिखेल अस्पताल मृत्यु भएपछि अस्पतालमा उच्च सतर्कता अपनाइएको छ ।
काेराेना आशंकामा उनकाे स्वाब परीक्षण गर्दा पाेजेटिभ देखिएपछि पुनः परीक्षणका लागि टेकु अस्पताल पठाइएकाे छ ।
सिन्धुपाल्चोकको बाह्रबिसे नगरपालिका–९ राम्चेकी २९ वर्षीय सुत्केरीको शुक्रबार राति मृत्यु भएको थियाे । टेकु अस्पतालमा पनि काेराेना पाेजेटिभ रिपाेर्ट आएमा नेपालमा कोरोनाले मृत्यु हुने उनी पहिलो व्यक्ति हुने छिन् ।
केही दिनअघि शिक्षण अस्पतालमा सुत्केरी भएकी उनी घर फर्किएपछि स्वासप्रश्वासमा समस्या आएकाले धुलिखेल अस्पतालमा उपचार भइरहेको थियो । स्वासप्रश्वासमा समस्या आएकाले उपचारको क्रममा उनको आरडिटी रिपोर्ट पोजिटिभ आएको थियो ।
प्रकाशित मिति: शनिबार, जेठ ३, २०७७
-1732776560.jpg)
