काठमाडौँ । नेपालमा थप ९ जनामा कोरोना पुष्टि भएको छ । याेसँगै नेपालमा काेराेना संक्रमितकाे संख्या २ सय ५८ पुगेकाे छ ।
स्वास्थ्य मन्त्रालयको पछिल्लो अपडेट अनुसार राष्ट्रिय जनस्वास्थ्य प्रयोगशाला र भेरी अस्पताल नेपालगन्जमा गरिएको परीक्षणमा ९ जनामा कोरोना पुष्टि भएको हो ।
नयाँ संक्रमित मकवानपुर निवासी ३७ वर्षीय पुरुष रहेका छन् भने बाँके नैनापुर-१, ३ र ५ निवासी १८, २०, २२, २५, २५, २७, ३२ र ३६ वर्षीय पुरुषहरू रहेका छन् ।
मन्त्रालयको पछिल्लो तथ्यांक अनुसार नेपालमा अहिलेसम्म २ सय ८ जना पुरुष र ५० जना महिला संक्रमित भएका छन् ।
आज पुष्टि भएका संक्रमितहरुलाई नजिकका कोरोना अस्पतालमा लैजाने तयारी गरिएको मन्त्रालयले जानकारी दिएको छ ।
उपचारमा रहेका सबैको स्वास्थ्य अवस्था सामान्य रहेको मन्त्रालयले जनाएको छ ।
प्रकाशित मिति: शुक्रबार, जेठ २, २०७७
-1732776560.jpg)
