काठमाडौं । नेकपा नेता एवं पूर्वगृहमन्त्री भीम रावलको सुरक्षामा खटिएका १ जना सशस्त्र प्रहरीमा कोरोना भाइरसकाे संक्रमण पुष्टि भएको छ ।
उनलाई संक्रमण पुष्टि भइसकेपछि बुधबार बस्ने भनिएकाे नेकपाकाे स्थायी कमिटी बैठकसमेत स्थगित भएकाे छ । तर नेता रावलले भने आफूले पिसिआर प्रविधिबाट काेराेना परीक्षण गराएकाे र संक्रमण नपाइएकाले संक्रमितकाे सम्पर्कमा आएका अन्यकाे परीक्षण गर्नुपर्ने बताएका छन् ।
नेता रावलले कोरोना संक्रमित सुरक्षा गार्ड १ महिनादेखि बिदामा रहेको र काममा फर्किन चाहेपछि काेराेना परीक्षण गरेर आउन भनेकाे बताए ।
‘१ महिनाअघि नै उनले श्रीमती बिरामी भइन् भन्दै छुट्टी लिएका थिए । श्रीमतीलाई सन्चो भएको भनेर काममा फर्कीन मलाई फोन गरेका थिए । मैले कोरोना जाँच गरेर आउ भनेपछि उनमा कोरोना देखियो’, रावलले भने ।
अब ती सुरक्षाकर्मीको सम्पर्कमा आएका भक्तपुरका अरु मानिसहरुको पनि जाँच गर्नुपर्ने र उनमा कोबाट संक्रमण भयो भन्ने पत्ता लगाउनुपर्ने रावलले बताए । उनले भने, ‘अब दुवाकोटतिर टेस्ट बढाउनुपर्ने देखियो ।’
रावलकाे भने गत २६ गतेकाे संसद् बैठकअघि नै काेराेना परीक्षण भएकाे र नतिजा काेराेना नेगेटिभ आइसकेकाे छ ।
प्रकाशित मिति: बुधबार, वैशाख ३१, २०७७
-1732776560.jpg)
