काठमाडौं । ललितपुरको पुल्चोकस्थित आरोग्य फाउन्डेसनमा प्रहरीले सिलबन्दी गरेको छ । आरोग्यमै कार्यरत १ स्टाफ नर्समा कोरोना संक्रमण पुष्टि भएपछि अस्थायी रुपमा सिल गरिएको हो ।
फाउन्डेसनसँगै एकै भवनमा रहेकाे निदान अस्पतालमा पनि सिल गरिएको छ । बुधबार बिहान सिल गरिएको भवनमा सुरक्षाकर्मीले कसैलाई पनि प्रवेश गर्न दिएका छैनन् ।
प्रहरीका अनुसार प्रतिष्ठानमा कार्यरत महिला चैत ९ गते सुनसरी गएकाे र वैशाख २९ गते काठमाडौं आएकी थिइन् ।
काठमाडौं फर्किने क्रममा उनी साँगाबाट आरोग्यकै दमकलमा आएकी थिइन् । सुनसरीबाट फर्किएपछि उनी कार्यालय भने नगएको बताइएको छ । उनी निदान अस्पतालको एम्बुलेन्स प्रयोग गरेर टेकु अस्पताल गएकी थिइन् ।
प्रकाशित मिति: बुधबार, वैशाख ३१, २०७७
-1732776560.jpg)
