काठमाडाैं । नेपालकै सबैभन्दा बढी कोरोना संक्रमण देखिएकाे उदयपुरको त्रियुगा नगरपालिका-३ भुल्केमा एकै परिवारमा ५ जना संक्रमित पाइएका छन् ।
उदयपुर स्वास्थ्य कार्यालयका अनुसार पहिलो चरणमै २८ संक्रमित देखिएको भुल्केमा एकै परिवारका हजुरआमा, नातिनी, ज्वाइँ तथा श्रीमान्, श्रीमती संक्रमित देखिएका हुन् ।
सुरुमा ६८ वर्षीया हजुरआमा, १८ वर्षीया नातिनी र ३८ वर्षीय ज्वाइँ कोरोना संक्रमित देखिएको परिवारमा गत शनिबार ४५ वर्षीय श्रीमान् र ४३ वर्षीया श्रीमतीमा पनि कोरोना संक्रमण पुष्टि भएकाे उदयपुर स्वास्थ्य कार्यालयले जनाएको छ।
अहिलेसम्ममा नेपालकै सबैभन्दा बढी ३२ जनामा कोरोना संक्रमण देखिएको भुल्केका ५५ घर मुस्लिम परिवारमध्ये २-३ घरका संक्रमित एउटै घरका रहेको कार्यालयले बताएको छ ।
हालसम्ममा भुल्केमा ३२ संक्रमितमध्ये ६ भारतीय जमाती, ८ स्थानीय गरी १४ जना निकाे भएर अस्पतालबाट डिस्चार्ज भइसकेका छन् । बाँकी २२ जनाको कोसी अस्पताल कोरोना उपचार केन्द्र विराटनगरमा उपचार भइरहेको छ ।
मुस्लिम परिवार र ३ सय घर अन्य समुदाय रहेको भुल्केमा अहिलेसम्म ५५ मुस्लिम घरबाहेक अन्य समुदायमा भने कोरोना संक्रमण पुष्टि नभएको कार्यालयले जनाएको छ ।
प्रकाशित मिति: मंगलबार, वैशाख ३०, २०७७
-1732776560.jpg)
