काठमाडौं । संघीय संसदमा बिहीबार लिइएको ४ सय ४१ जनाको स्वाब परीक्षणमा सबैको रिपोर्ट कोरोना नेगेटिभ आएको छ ।
संघीय संसदका सांसद, कर्मचारी र सुरक्षाकर्मीको स्वाब परीक्षण गरेर जनस्वास्थ्य प्रयोगशालाले रिपोर्ट दिएको हाे ।
स्वास्थ्य तथा जनसंख्या मन्त्रालय, इपिडिमियोलोजी तथा रोग नियन्त्रण महाशाखाका निर्देशक डा वासुदेव पाण्डेले बिहीबार परीक्षण गराएका सबै जनाको रिपोर्ट नेगेटिभ आएको जानकारी दिए ।
ती मध्ये २ सय १२ सांसद र बाँकी संसद् सचिवालयका कर्मचारी थिए । बिहीबार सबैको संसद् भवन नयाँ बानेश्वरमा स्वाब संकलन गरी पिसिआर परीक्षण गरिएको थियो ।
अपराह्न ४ बजे संसद्को बजेट अधिवेशन सुरु हुने छ भने सांसद लगायत संसद् भवन छिर्ने सबैले कोरोना नभएको प्रमाणपत्र अनिवार्य पेस गर्नुपर्ने छ ।
प्रकाशित मिति: शुक्रबार, वैशाख २६, २०७७
-1732776560.jpg)
