बाँके । नेपालगन्जमा थप ६ जनालाई कोरोना भाइरस संक्रमण पुष्टि भएको छ । प्रयोगशाला परीक्षणका क्रममा नेपालगन्जमा थप ६ जनामा कोरोना संक्रमण देखिएको अस्पताल स्रोतले जानकारी दिएको छ ।
स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीका अनुसार नेपालगन्ज उपमहानगरपालिका-८ का १६, २१ र ३४ वर्षका पुरुष तथा ४०, ५५ र ६० वर्षका महिलामा संक्रमण देखिएको हो ।
नेपालगन्जमा आइतबार दिउँसो मात्र ९ जनामा कोरोना भाइरसको संक्रमण भेटिएको थियाे । याेसँगै एकैदिन नेपालगन्जमा १४ जना संक्रमित थपिएका छन् ।
शुक्रबार संक्रमण देखिएका व्यक्तिकै सम्पर्कमा आएका व्यक्तिहरुमा कोरोना देखिएको बताइएको छ । संक्रमितको उपचारका लागि खजुरास्थित सुशील कोइराला प्रखर क्यान्सर अस्पतालमा कोभिड १९ अस्पताल तयार गरिएको छ।
संक्रमित व्यक्तिहरुको सम्पर्कमा रहेका अन्यको खोजी भइरहेको छ । १७ गते फूलबारी मस्जिदमा जाँच गर्दा ६० वर्षीय पुरुषमा कोरोना देखिएपछि उनको घर, उनी जाने मस्जिद र पढाउने मस्जिदलाई सिल गरिएको थियाे ।
*गलत सूचनाका कारण संक्रमितकाे संख्या ८४ पुग्याे शीर्षककाे समाचार प्रकाशित भएकाले क्षमायाचनासहित हटाइएकाे छ ।
प्रकाशित मिति: आइतबार, वैशाख २१, २०७७
-1732776560.jpg)
