काठमाडौं । नेपालमा आइतबार एकैदिन १० जनामा कोरोना संक्रमण पुष्टि भएको छ ।
पर्साका १ जना र नेपालगन्जका ९ जनामा कोरोना पोजेटिभ देखिएको स्वास्थ्य मन्त्रालयले जानकारी दिएको हो ।
राष्ट्रिय जनस्वास्थ्य प्रयोगशाला टेकुमा स्वाबको नमुना परीक्षण गर्दा एक जनाको पोजेटिभ देखिएको हो भने नेपालगन्जमै गरिएको परीक्षणमा ९ जनाको पोजेटिभ देखिएको हो ।
नेपालगन्जमा पोजेटिभ देखिएका ७ वर्षदेखि ५८ बर्ष उमेर समूहका भएको स्वास्थ्य मन्त्रालयका प्रवक्ता डा. विकास देवकोटाले जानकारी दिएका छन् । ९ जना मध्ये ५ जना पुरुष र ४ जना महिला भएको उनले बताए ।
योसँगै नेपालमा कोरोना संक्रमितको संख्या ६९ पुगेको छ भने १६ जना उपचारपछि घर फर्किएका छन् । तर निकाे भएर घर गएका १ जना भने फेरि अस्पताल भर्ना भएका छन् ।
प्रकाशित मिति: आइतबार, वैशाख २१, २०७७
-1732776560.jpg)
