काठमाडौं । काेराेना संक्रमणकाे उपचारपछि निकाे भएकाे भनेर डिस्चार्ज गरिएका युवालाई पुन अस्पताल भर्ना गरिएकाे छ ।
काेराेना संक्रमित भएपछि रौतहटको ईशनाथ नगरपालिकाका १९ वर्षीय युवालाई नारायणी उप-क्षेत्रीय अस्पताल वीरगन्जमा उपचार गरिएको थियो ।
उपचारपश्चात संक्रमणमुक्त भएको भन्दै १ साता अघि डिस्चार्ज गरिएको थियाे उनमा थप शंकास्पद लक्षणहरू देखिएपछि पुनः अस्पताल भर्ना गरिएको छ ।
शंकास्पद लक्षण देखिएपछि उनलाई पुन: नारायणी उप-क्षेत्रीय अस्पताल वीरगन्जको आइसोलेसन वार्डमा भर्ना गरिएको अस्पतालले जनाएको छ ।
ती युवकलाई २० वैशाख साँझ घरबाट नारायणी अस्पताल ल्याइएको हो । अस्पतालमा उपचाररत अर्का १ जना भारतीय व्यक्तिसँगै संक्रमणमुक्त भएको भन्दै उनीहरू दुवै जनालाई १४ वैशाखमा डिस्चार्ज गरिएको थियो।
१ वैशाखमा कोरोना संक्रमण देखिएपछि अस्पतालको आइसोलसन वार्डमा उपचाररत रहेका ती व्यक्तिमा १० र १३ वैशाखका परीक्षणमा रिपोर्ट नेगेटिभ आएपछि उनलाई १४ वैशाखमा डिस्चार्ज गरिएको थियो। अस्पतालबाट डिस्चार्ज भएपछि उनी आफन्तसँग बस्दै आएका थिए ।
प्रकाशित मिति: आइतबार, वैशाख २१, २०७७
-1732776560.jpg)
