काठमाडाैं । सुदूरपश्चिमको सेती प्रादेशीक अस्पतालमा उपचाररत ५० वर्षीया महिला काेराेना मुक्त भएर बिहीबार डिस्चार्ज भएकी छिन् ।
लगातार २ पटक रिपोर्ट नेगेटिभ आएपछि अस्पतालबाट डिस्चार्ज गरिएको सेती प्रादेशिक अस्पतालले जानकारी दिएको छ ।
उनी वीरगन्जबाट आएर १२ दिन क्वारेन्टाइनमा बसेकी थिइन् । उनमा वैशाख १ गते कोरोना पुष्टि भएको थियो ।
योसँगै सुदूरपश्चिम प्रदेशमा ४ जना कोरोनालाई जितेर घर फर्किएका छन् भने देशभरमा १० जना संक्रमित काेराेनामुक्त भएका छन् ।
नेपालमा हालसम्म कोरोनाबाट संक्रमित भएका ४७ जनामध्ये ३७ जना उपचाररत छन् ।
बिहीबार नै पाटन अस्पतालमा उपचार गराइरहेका ५२ वर्षीय पुरुष र ८१ वर्षीया महिला ठिक भएर डिस्चार्ज भएका थिए । उनीहरु काठमाडौँस्थित सनसिटी अपार्टमेन्टमा बस्दै आएका छन् ।
यसअघि टेकु अस्पतालबाट ३ जना, सेती प्रादेशिक अस्पतालबाट ३ जना र बागलुङस्थित धवलागिरी अस्पतालबाट १ जना डिस्चार्ज भएका थिए ।
प्रकाशित मिति: बिहीबार, वैशाख ११, २०७७
-1732776560.jpg)
