काठमाडौँ । शुक्रराज ट्रपिकल तथा सरूवा रोग अस्पतालका डाक्टर शेरबहादुर पुनलाई स्पष्टीकरण नसोधिएको स्वास्थ्य तथा जनसंख्या मन्त्रालयले बताएको छ ।
आइतबार मिडिया ब्रिफिङमा बोल्दै स्वास्थ्य मन्त्रालयका सहसचिव रघुराम बिष्टले डाक्टर पुनलाई अस्पतालको काममा बाधा नपुग्ने गरी मन्त्रालयको कोरोना भाइरस विरूद्धको अभियानमा सहयोग गर्न मन्त्रालय बोलाइएको बताएका छन् ।
उनले बनावटी कुरालाई मिडियाले बढाइचढाइ गरी समाचार सम्प्रेषण गर्नु आपत्ति भएको जनाएका छन् । सहसचिव बिष्टले डाक्टर पुनलाई लेखिएको पत्रको व्यहोरा नै पढेर सुनाएका हुन् ।
यता डाक्टर पुनले पनि विज्ञप्ति जारी गर्दै आफू टेकु अस्पतालमै काम गर्ने बताएका छन् । म आफ्नाे नियमित काममै क्रियाशील छु , उनले विज्ञप्तिमा भनेका छन्, माननीय मन्त्रीज्यू र मन्त्रालयसँग जाेडी अनर्गल प्रचार नगरिदिनुहुन सबैमा अनुराेध गर्दछु ।
प्रकाशित मिति: आइतबार, वैशाख ७, २०७७
-1732776560.jpg)
