काठमाडौं । टेकुस्थित शुक्रराज ट्रपिकल तथा सरूवा रोग अस्पतालका डाक्टर शेरबहादुर पुन आइतबार दिउँसो स्पष्टीकरण दिन स्वास्थ्य मन्त्रालय पुगेका छन् ।
शुक्रबार उनलाई पत्र काटिएकाे भए पनि उनले आइतबार मात्रै स्पष्टीकरण पत्र बुझेका थिए ।स्रोतका अनुसार डा. पुन लिखित स्पष्टीकरण बोकेर भर्खरै मन्त्री ढकालको कार्यकक्ष प्रवेश गरेका छन् ।
डा. पुन शुक्रराज ट्रपिकल अस्पतालमा कार्यरत करारमा कार्यरत चिकित्सक हुन् । सरुवा रोगमा जापानबाट विद्यावारिधी गरेका उनी सरुवा रोगका विषयमा धेरै जानकारी प्रवाह गर्ने चिकित्सकमा पर्छन् ।
कोरोना भाइरसका विषयमा पनि सर्वसाधारणलाई सबैभन्दा पहिले जानकारी गराउने नेपाली चिकित्सकमध्ये उनी एक हुन् ।
स्वास्थ्यमन्त्री भानुभक्त ढकालले उनीमाथि पूर्वाग्रह राखी कारबाही गर्न लागेकाे भन्दै चाैतर्फी विराेध भइरहेकाे छ ।
प्रकाशित मिति: आइतबार, वैशाख ७, २०७७
-1732776560.jpg)
