काठमाडौँ । कोभिड–१९ को संक्रमण देखिएकी काठमाडौँकी १९ वर्षीया युवती प्रसिद्धि श्रेष्ठ उपचारपश्चात् घर फर्किएकी छिन् ।
टेकुस्थित शुक्रराज ट्रपिकल तथा सरुवा रोग अस्पतालमा उपचारत रहेकी श्रेष्ठ घर फर्किएको अस्पतालका निर्देशक डा सागरराज भण्डारीले जानकारी दिए । उनका अनुसार संक्रमित युवती पूर्ण स्वस्थ भएर घर फर्किएकी हुन् ।
उनले ४८ घण्टामा दुई पटक कोभिड–१९ नेगेटिभ आएपछि बिरामीको सबै अवस्था राम्रो भएपछि घर फर्काइएको बताए । उनलाई २७ दिनसम्म अस्पतालमा उपचार गरेर आज घर फर्काइएको हो ।
फ्रान्सबाट गत चैत ४ गते नेपाल आएकी उनलाई चैत १० गते संक्रमण देखिएपछि अस्पताल भर्न गरी आइसोलेसनमा उपचार हुँदै आएको थियो ।
यसअघि चीनको बुहानबाट आएका अर्का १ जना संक्रमित पनि निकाे भएर घर फर्किसकेका छन् ।
प्रकाशित मिति: शनिबार, वैशाख ६, २०७७
-1732776560.jpg)
