धुलिखेल । काभ्रेमा ‘र्यापिड’ परीक्षणको क्रममा २ जनामा कोरोना ‘पोजिटिभ’ देखिएको छ ।
मंगलबार काभ्रेको बेथानचोक गाउँपालिकाका १ र मण्डनदेउपुर नगरपालिकाका १ जनामा र्यापिड डाइग्नोस्टिक परीक्षण गर्दा नतिजा पोजिटिभ देखिएको हो ।
उनीहरू दुवैको स्वाब परीक्षणका लागि धुलिखेल अस्पतालमा पठाइएको छ ।
बेथानचोकका युवा चैत ९ गते भारतबाट र मण्डनदेउपुरका युवा चैत ७ गते दुबईबाट आएको बताइएको छ ।
धुलिखेल अस्पतालका प्रवक्ता डा. सुमन ताम्राकारका अनुसार काभ्रेका २ युवकमा कोरोना भाइरसको संक्रमण देखिएपछि उनीहरुको थप परीक्षणका लागि धुलिखेल अस्पताल ल्याइएको हो ।
‘उनीहरुको पिसिआर विधिबाट परीक्षण गरिएको छ । नतिजा भोलि बिहानसम्म आउँछ,’ उनले भने । उनीहरुलाई धुलिखेल अस्पतालको आइसोलेसनमा राखिएको छ ।
प्रकाशित मिति: मंगलबार, वैशाख २, २०७७
-1732776560.jpg)
