चितवन । भरतपुर कोरोना विशेष अस्पतालमा उपचाररत १ बिरामीको मृत्यु भएको छ । उपचारको क्रममा मंगलबार बिहान ७ बजे वीरगञ्जका ३० वर्षीय सन्तोष यादवको मृत्यु भएको हो।
वीरगञ्जका ३० वर्षीय युवक केही समयदेखि मिर्गौला, छाला र फोक्सोमा समस्या हुने लुपुस नामक रोगबाट पीडित थिए। ज्वरो र निमोनिया देखिएपछि आइतबार उनलाई कोरोना अस्थायी अस्पतालमा ल्याइएको थियो ।
बिरामी आइतबार राति १० बजे चितवन मेडिकल कलेजबाट रिफर भएर आएको अस्पतालका प्रवक्ता डाक्टर भोजराज अधिकारीले जानकारी दिए ।
उनको स्वाब सोमबार राति संकलन गरिए पनि आज मात्रै विमानमार्फत काठमाडौं पठाइएको छ । स्वाव परीक्षणपछि मात्रै उनमा कोरोनाको संक्रमण भए/नभएको भन्ने खुल्ने छ ।
प्रकाशित मिति: मंगलबार, चैत ११, २०७६
-1732776560.jpg)
