काठमाडौं । हिमालयन बैंकको अध्यक्षमा पूर्वमुख्यसचिव डा. बैकुण्ठ अर्याल चयन भएका छन् । बैंकको भदौ १४ गते आइतबार बसेको सञ्चालक समितिको ५०६औँ बैठकले अर्याललाई सर्वसम्मत रूपमा अध्यक्षमा निर्वाचित गरेको हो ।
अर्याल बैंकको संस्थापक समूहअन्तर्गतको शेयरधनी नेशनल लाइफ इन्स्योरेन्स कम्पनी लिमिटेडको प्रतिनिधित्व गर्दै आएका थिए । यसअघि उनी बैंकका सञ्चालक थिए ।
अध्यक्षमा सर्वसम्मत निर्वाचित भएपछि अर्यालले भदौ १५ गते सोमबार पदभार ग्रहण गरेका छन् । सोही दिन उनले नेपाल राष्ट्र बैंकका गभर्नर प्रा. डा. विश्वनाथ पौडेलसमक्ष पद तथा गोपनीयताको शपथ लिएका हुन् ।
प्रकाशित मिति: सोमबार, भदौ १५, २०८३
-1787133994.jpg)