काठमाडौं । नेपाली युवाकाे प्रमुख राेजगार गन्तव्यमध्येकाे कतारमा काेराेना भाइरसकाे संक्रमण भएपछि खाडी मुलुकमा रहेका नेपालीहरूलाई उच्च सतर्कता अपनाउन सम्बन्धित दूतावासले आग्रह गरेका छन् ।
कतारमा १ जना कोरोना भाइरसबाट संक्रमित भएको कतारको स्वास्थ्य मन्त्रालयले जनाएको छ । बिहीबार इरानबाट उद्धार गरी ल्याइएका यात्रुमध्ये ३६ वर्षीय कतारी नागरिकमा कोरोना भाइरसको संक्रमण देखिएको हाे ।
बहराइन र कुवेतस्थित नेपाली दूतावासले विज्ञप्ति जारी गर्दै सतर्क रहन आग्रह गरेका हुन् । कुवेतस्थित दूतावासले भनेको छ, कुवेतको स्वास्थ्य मन्त्रालयबाट कुवेतमा केही व्यक्तिहरुमा नोवल कोरोना भाइरस (कोभिड–१९) को संक्रमण देखा परेको जानकारी प्राप्त भएको हुँदा कुवेतमा रहनुभएका सम्पूर्ण नेपाली दाजुभाइ तथा दिदीबहिनीहरुलाई आवश्यक सतर्कता अपनाउनको लागि नेपाली राजदूतावास, कुवेत हार्दिक अनुरोध गर्दछ ।
कतार लगायत खाडी मुलुकमा ठूलो संख्यामा नेपाली छन्। चीनको वुहान सहरबाट फैलिएको कोरोनाको चपेटामा हाल खाडी मुलुकहरु पनि आएका छन्। खाडीमा सबैभन्दा धेरै इरान प्रभावित भएको छ। जहाँ शनिबारसम्म २ सय १० जनाको मृत्यु भइसकेकाे छ ।
प्रकाशित मिति: आइतबार, फागुन १८, २०७६
-1732776560.jpg)
