काठमाडौं । सरकारले भारतबाट सरकार–सरकार (जिटुजी) माध्यमबाट २५ हजार मेट्रिक टन डिएपी मल खरिद गर्न कृषि सामग्री कम्पनी लिमिटेडलाई सैद्धान्तिक स्वीकृति दिएको छ।
प्रधानमन्त्री तथा मन्त्रिपरिषद्को कार्यालय, सिंहदरबारमा बसेको मन्त्रिपरिषद् बैठकले उक्त निर्णय गरेको सरकारका प्रवक्ता तथा शिक्षा तथा खेलकुदमन्त्री सस्मित पोखरेलले जानकारी दिए।
उनका अनुसार कृषकलाई समयमै रासायनिक मल उपलब्ध गराउने उद्देश्यले भारतसँग जिटुजी माध्यमबाट डिएपी मल खरिद प्रक्रिया अघि बढाउन कृषि सामग्री कम्पनीलाई अनुमति दिइएको हो।
सरकारको स्वीकृतिपछि कम्पनीले आवश्यक खरिद प्रक्रिया अघि बढाउनेछ। आगामी कृषि सिजनमा किसानले भोग्दै आएको रासायनिक मलको अभाव कम गर्दै मलको उपलब्धता सुनिश्चित गर्ने सरकारको लक्ष्य छ।
प्रकाशित मिति: शुक्रबार, भदौ १२, २०८३
