काठमाडौं । एक्स्ट्रिम इनर्जी ड्रिङ्क्सले बाढी तथा पहिरो प्रभावित नागरिकको उद्धार, राहत तथा पुनर्स्थापनाका लागि १ करोड रुपैयाँ सहयोग गरेको छ।
कम्पनीले उक्त सहयोग रकम अर्थमन्त्री डा. स्वर्णिम वाग्लेलाई हस्तान्तरण गरेको हो। विपद्को कठिन घडीमा सरकारसँग ऐक्यबद्धता जनाउँदै प्रभावित नागरिकको राहत तथा पुनर्स्थापनामा सहयोग पुर्याउने उद्देश्यले रकम प्रधानमन्त्री दैवी प्रकोप उद्धार कोषमा प्रदान गरिएको कम्पनीले जनाएको छ।
कम्पनीले विपद्को समयमा नागरिकको जीवन रक्षा तथा पुनर्स्थापनाका लागि राज्य र सम्बन्धित निकायसँग आवश्यक सहकार्य गर्ने जनाएको छ।
साथै, आगामी दिनमा पनि राष्ट्र र नागरिकको हितमा सामाजिक उत्तरदायित्वअन्तर्गत सहयोगलाई निरन्तरता दिने प्रतिबद्धता कम्पनीले जनाएको छ।
प्रकाशित मिति: शुक्रबार, भदौ १२, २०८३
