काठमाडौं : नक्सालस्थित वृहस्पति विद्या सदनको आयोजनामा चौंथोपटक रक्तदान कार्यक्रम सम्पन्न भएको छ । दिगो विकासको लक्ष्यमध्ये तेस्रो नम्बरमा रहेको राम्रो स्वास्थ्य र भलाई बुँदामा आधारित भएर विद्यालयले रक्तदान कार्यक्रम आयोजना गरेको जनाइएकाे छ । नेपाल रेडक्रस सोसाइटी र नेपाल प्रहरीले रक्तदान कार्यक्रममा सहयाेग गरेका थिए ।
विद्यालयका कक्षा ११ र १२ का विद्यार्थी, आसपासका विद्यालयका विद्यार्थी,शिक्षक, विद्यालयका कर्मचारी र अभिभावक गरिक ६० जनाले रक्तदान गरेको विद्यालयकी शिक्षिका एवं सचार संयोजक डोल्मा लामाले जानकारी दिइन् ।
वृहस्पति विद्या सदनले सरसफाई, रक्तदानजस्ता सामाजिक कामहरु यसअघि देखिनै गर्दै आएको छ । आगामी दिनमा पनि सामाजिक कामलाई निरन्तरता दिने विद्यालयले जनाएको छ।
प्रकाशित मिति: मंगलबार, जेठ २८, २०७६
-1732776560.jpg)
