दमौली : क्यान्सर रोगबाट पीडित तनहुँको बन्दीपुर गाउँपालिका–५ थुम्का निवासी पूर्णप्रसाद रेग्मीको उपचारका लागि रकम प्रदान गरिएको छ ।
भारतको राजीव गान्धी क्यान्सर अस्पतालमा उपचाररत उनलाई आर्थिक स्रोत जुटाउन स्थानीयवासी रामप्रसाद तिवारीको सक्रियतामा स्थानीयस्तरमा नै सङ्कलित रु एक लाख १८ हजार २०० सोही वडाका वडाध्यक्ष ध्रुव लामिछानेले मङ्गलबार पूर्णप्रसादकी श्रीमती अप्सरा रेग्मीलाई प्रदान गरेका हुन् ।
वडाध्यक्ष लामिछानेले भने, ‘क्यान्सर पीडित रेग्मीको उपचारार्थ सहयोग सङ्कलन अभियानलाई स्थानीयस्तरमा समेत जारी राखेका छौँ ।’
अप्सराले घरको अवस्था नाजुक रहेकाले आफ्ना श्रीमानको उपचारमा सहयोग गर्न आग्रह गर्दै उपचारका क्रममा धेरै रकम खर्च भइसकेकाले थप रकम जुटाउन मुस्किल परिरहेको बताइन् । -रासस
प्रकाशित मिति: बुधबार, जेठ २२, २०७६
-1732776560.jpg)
