धेरैको निम्ति टाउको दुखाइको विषय हो, पुट्ट लागेको भुँडी । यस्तो भुँडीले शरीर भद्दा र असुहाउँदिलो देखिन्छ । लुगा लगाउँदा पनि पेट लुकाउनै सास्ती हुन्छ ।
पेट घटाउनका लागि कोही जिम धाइरहेका छन्, कोही दौडिरहेका छन् । यद्यपि खानपान र शारीरिक क्रियाबीच सन्तुलन नमिल्दा पेट बढेको बढ्यै छ । जथाभावी खानेकुरा खाने र त्यस अनुरुप शारीरिक क्रिया नगर्दा पेटमा अतिरिक्त बोसो जम्न पुग्छ । यसले शरीरलाई असुहाउँदिलो देखिने मात्र होइन, रोग समेत नित्याउँछ ।
कसरी घटाउने ?
पेट बढ्नुमा निस्क्रिय दिनचर्या जिम्मेवार छ । अक्सर बसेर काम गर्ने, शारीरिक रुपमा सक्रिय नहुने, साथसाथै अनियन्त्रित खाना खाने बानीले पेट बढ्छ । त्यसैले शारीरिक रुपमा सक्रिय हुनुपर्छ, पेट घटाउनका लागि । शारीरिक काम र नियमित व्यायामसँगै कतिपय योगा पनि गर्न सकिन्छ, जसले पेटलाई सही आकारमा ल्याउन मद्दत गर्छ । यससँगै खानपानमा पनि सर्तक हुनुपर्छ । पेट घटाउनका लागि कस्तो खानपान सही हुन्छ त ?
दिनको सुरुवात कागती पानीबाट गर्नुस्
पेटमा जमेको बोसो कम गर्नका लागि कागती पानी एक उत्कृष्ट विकल्प हो । यदि बिहान मनतातो पानीमा कागती मिसाएर पिउने हो भने निकै फाइदा पुग्छ । यसरी नै बिहान कागती पानी सेवन गर्दा मोटाबोलिज्म त ठीक हुन्छ नै, पेटमा जमेको बोसो पनि कम हुन्छ ।
गुलियो एवं मिठाई निषेध गर्नुस्
यदि तपाई पेटमा जमेको बोसो घटाउन चाहनुहुन्छ भने गुलियो एवं मिठाईबाट टाढा रहनुहोस् । गुलियो पदार्थले पेटमा अतिरिक्त बोसो जमाउँछ ।
बिहान काँचो लसुन सेवन गर्नुस्
बिहान उठेपछि नियमित रुपमा दुई/तीन केस्रा लसुन चपाउनुपर्छ । त्यसपछि कागती पानी पिउनुपर्छ । यो निकै प्रभावकारी उपाय हो, पेटको बोसो घटाउने । यसले तौल त घटाउँछ नै, शरीरको रक्त प्रवाह पनि सुचारु गर्छ ।
ओमेगा ३ फ्याटी एसिड
ओमेगा ३ फ्याटी एसिड शरीरको लागि एकदमै लाभदायक हुन्छ । मांसाहारीले यसलाई माछाको माध्यमबाट लिन सक्छन् । माछामा ओमेगा ३ फ्याटी एसिड प्रचुर मात्रामा पाइन्छ । शाकाहारीले चाहिँ बन्दा, फूल गोभी, ओखर आदिको सेवन गर्नुपर्छ ।
पर्याप्त हरियो सब्जी खानुस्
आफ्नो खानामा सब्जी र फल सामेल गरौं । यसबाट भरपुर मिनरल र भिटामिन मिल्छ । पेट पनि भरिन्छ । यस्ता खानेकुराले पेटमा अतिरिक्त बोसो जम्मा हुन पाउँदैन ।
जंकफूडमा पहरेज गर्नुस्
यदि तपाईं पेट घटाउन चाहनुहुन्छ भने जंकफूड सेवन पूर्णत बन्द गर्नुहोस् । किनभने यसले तौल बढाउने भूमिका खेल्छ । यससँगै कम चिप्लो, मसलेदार खानेकुरा सेवन गरौं ।
माछा खानुस्
माछाको तेलले पेटको बोसो घटाउने काम गर्छ । माछामा रहेको ओमेगा ३ फ्याटी एसिडले पेटको अतिरिक्त बोसो घटाउने काम गर्छ ।
अन्य यी उपाय अपनाउनस्
– बिहान १५ देखि २० मिनेटसम्म आफूलाई सहज हुने हिसाबले दौडनुपर्छ ।
– १५ मिनेट जति व्यायाम गरौं । योग गरौं ।
– दिनभर कार्यालयमा बसे पनि सानोतिनो शारीरिक काम आफैँ गर्नुपर्छ । अर्थात निस्क्रिय बस्नु हुन्न ।
– एकसाथ धेरै खानेकुरा सेवन नगरौं । एक पटकमा थोरै थोरै खानेकुरा सेवन गरौ । बरु, धेरै पटक सेवन गरौं ।
– खानामा साग र सलादको मात्रा अत्यधिक हुनुपर्छ ।
– मासुजन्य पदार्थ, दुग्धजन्य पदार्थ, कोल्ड ड्रिक्स, जंक फूड, मसलेदार, तारेको खानेकुरा सेवन नगरौं ।
– सकेसम्म उसिनेको खानेकुरा सेवन गरौं । सागसब्जी उसिनेर सेवन गरौं ।
– खाना खानसाथ सुत्ने वा दिउँसो सुत्ने गर्दै नगरौं ।
– सकेसम्म राति अबेरसम्म नबसौं ।
– राति छिटै सुत्ने र बिहान चाँडै उठ्ने बानी गरौं । -एजेन्सीको सहयोगमा
प्रकाशित मिति: सोमबार, वैशाख ३०, २०७६
-1732776560.jpg)
