काठमाडौं । नेपाली बजारमा आइतबार सुनको मूल्य बढेको छ। नेपाल सुनचाँदी व्यवसायी महासंघका अनुसार आज सुन प्रतितोला २ हजार ८०० रुपैयाँले महँगिएको हो।
महासंघका अनुसार आइतबार सुन प्रतितोला ३ लाख १९ हजार ५०० रुपैयाँमा कारोबार भइरहेको छ। अघिल्लो कारोबार दिन सुन प्रतितोला ३ लाख १६ हजार ७०० रुपैयाँमा कारोबार भएको थियो।
यस्तै, चाँदीको मूल्य भने घटेको छ। आज चाँदी प्रतितोला ४ हजार ९७५ रुपैयाँमा कारोबार भइरहेको छ। अघिल्लो कारोबार दिन चाँदी प्रतितोला ४ हजार ९८५ रुपैयाँमा कारोबार भएको थियो।
यसअनुसार चाँदीको मूल्य प्रतितोला १० रुपैयाँले घटेको हो।
प्रकाशित मिति: आइतबार, भदौ ७, २०८३
