काठमाडौं । भदौ महिना सुरु भएसँगै अन्डाको मूल्य फेरि बढेको छ । नेपाल लेयर्स कुखुरापालक संघले बिहीबारदेखि लागू हुने गरी अन्डाको नयाँ समर्थन बिक्री मूल्य तोकेको हो ।
चितवनलाई आधार मानेर तय गरिएको नयाँ फार्म समर्थन मूल्यअनुसार सबै प्रकारका अन्डाको मूल्य बढेको छ ।
नयाँ मूल्यसूचीअनुसार एक्सएल अन्डाको मूल्य प्रतिक्रेट ५९० रुपैयाँ, ठूलो अन्डाको ५७५ रुपैयाँ र मिडियम अन्डाको ५३५ रुपैयाँ पुगेको छ । सानो अन्डाको मूल्य भने प्रतिपेटी ३ हजार २ सय रुपैयाँ कायम गरिएको छ ।
संघले एक साता नबित्दै अन्डाको मूल्य प्रतिक्रेट १५ रुपैयाँले बढाएको हो । यसअघि ३० साउनदेखि एक्सएल अन्डाको मूल्य प्रतिक्रेट ५७५, ठूलो अन्डा ५६० र मिडियम अन्डा ५२० रुपैयाँ तोकिएको थियो।
प्रकाशित मिति: बिहीबार, भदौ ४, २०८३
-1787133994.jpg)
