काठमाडौं : शब्द रहर साहित्य अभियानको ४८औँ शृङ्खलाअन्तर्गत काभ्रेमा रहेर नेपाली भाषा र साहित्यको सेवामा समर्पित साहित्यकार सूर्यप्रसाद लाकोजू सुनिएका छन् ।
अतिथि कविको रूपमा उपस्थित लाकोजूले समसामयिक विषयका आधा दर्जन कविता, केही मार्मिक मुक्तक, केही चोटिला हाइकुहरू सुनाएका थिए ।
साहित्यकार श्रीहरि फुयाँलको सभापतित्वमा सम्पन्न कार्यक्रममा कवि तारा केसीले लाकोजूको व्यक्तित्व र कृतित्वका बारेमा प्रकाश पारेका थिए । कार्यक्रममा कवि मणिराज सिंह, उत्तम विचार, धरणिधर गुरागाईं, डेभिड ढकाल, रविना घिमिरे, कृष्णदेव रिमाल, राजेन्द्र घिमिरे, लव खड्का, एलिसा एकलास, पुरुषोत्तम ताम्रकारलगायतले आआफ्ना सिर्जना प्रस्तुत गरेका थिए ।
प्रकाशित मिति: सोमबार, वैशाख ३०, २०७६ २१:५६
