युएई । युएई सरकारले आफ्नो देशमा रहेका अवैधानिक कामदारलाई वैध बन्न दिएकोे आममाफी योजनाको अवधि फेरि एक महिना अर्थात जनवरी २ तारिखसम्मका लागि थप गरेको छ ।
युएईले सुरुमा दिएको ३ महिनाको म्याद अक्टोबर ३० मा सकिएपछि १ महिना म्याद थपेको थियो । यसपटक युएईको राष्ट्रिय दिवसका अवसरमा पुनः १ महिना म्याद थप गरेको जनाइएको छ ।
आममाफी योजना अवधि लागु भएयता १ हजार भन्दा बढि नेपाली घर फर्किसकेका छन् ।
युएई सरकारले अवैधानिक बसोवास गरिरहेका नेपालीसहित अन्य मुलुकका कामदारलाई वैधानिक बन्न अथवा आवश्यक कानुनी प्रकृया पुरा गरी मुलुक र्फकन यस्तो योजना ल्याएको हो ।
प्रकाशित मिति: सोमबार, मंसिर १७, २०७५ १९:१६
