काठमाडाैं । नेपाल टेलिकमका ग्राहकहरूका लागि खुसीकाे खबर छ । टेलिकमले आफ्नाे १६औं वर्षिकाेत्सवको अवसरमा आफ्ना डाटा प्रयोगकर्ताका लागि अहिलेसम्मकै ठूलो डाटा प्याक सार्वजनिक गरेको छ ।
अब टेलिकमकाे माेबाइलमा इन्टरनेट चलाउनेहरूले ३ हजार रुपैयाँमा ६ महिनासम्म प्रयोग गर्न पाइने गरी ६० जीबी डाटा प्याक किन्न पाइने छ । यसैगरी १६ सय रुपैयाँमा ३ महिना प्रयोग गर्न पाउने गरी ३० जीबी डाटा किनेर नेटकाे मज्जा लिन सकिने छ ।
यसैगरी जम्मा १५ रुपैयाँमा बिहान ६ बजेदेखि बेलुका ६ बजेसम्म प्रयोग गर्न सकिने २ सय एमबी डाटा प्याक लिन सकिने छ ।
त्यस्तै कम्पनीले मोबाइल रिचार्जमा पनि अफर ल्याएको छ । जसअनुसार २ सय र त्याेभन्दा माथिको रिचार्जमा २ सय एमबी डाटा नि:शुल्क प्राप्त हुने छ भने ५ सयभन्दा माथि ९ सय ९९ सम्मको रिचार्जमा ५ सय एमबी डाटा नि:शुल्क प्रदान गरिने कम्पनीले जनाएको छ ।
प्रकाशित मिति: बुधबार, माघ २२, २०७६ ०६:५२
