काठमाडौँ । काठमाडौँ जिल्लाका १० वटा निर्वाचन क्षेत्रहरूको मतगणना फरक-फरक १० ठाउँमा हुने जिल्ला निर्वाचन कार्यालयले जनाएको छ । सबै मतदानस्थलमा सुरक्षाका लागि तारजाली र सिसिटिभी क्यामरा जडान गरिएको छ ।
काठमाडौँ क्षेत्र नं.१ को मतगणना अन्तर्राष्ट्रिय सम्मेलनमा केन्द्रमा हुनेछ । क्षेत्र नम्बर २ को मतगणना राधाकृष्ण मन्दिर थलीमा, क्षेत्र नम्बर ३ को चामुण्डा स्कुल जोरपाटीमा, क्षेत्र नम्बर ४ को चपलीस्थित ज्येष्ठ नागरिक भवनमा हुने जिल्ला निर्वाचन अधिकारी ठाकुरप्रसाद भट्टराईले जानकारी दिए ।यसैगरी क्षेत्र नं.५ को मतगणना टोखाको श्रीसमाज भवनमा, क्षेत्र न.६ को मतगणना धर्मस्थलीमा र क्षेत्र नं. ७ को मतगणना बालाजुको जुडो हलमा हुने छ ।
क्षेत्र नम्बर ८ को मतगणना स्वयम्भूको गितामाता स्कुलमा, क्षेत्र नम्बर ९ को मतगणना नेपाल पर्यटन तथा होटेल व्यवस्थापन प्रतिष्ठान रविभवनमा र क्षेत्र नम्बर १० मतगणना त्रिभुवन विश्वविद्यालयको स्मृति भवनमा हुने गरी तयारी गरिएको छ ।
जिल्ला निर्वाचन अधिकारी भट्टराईले मतपेटिका सङ्कलनको काम भइरहेको भन्दै प्रक्रिया पूरा गरी आजैबाट मतगणना सुरु गर्ने तयारी भइरहेको बताए ।
प्रकाशित मिति: आइतबार, मंसिर ४, २०७९
-1752488768.JPG)
