काठमाडौं । सत्तारुढ दल नेकपा अध्यक्षद्वय केपी शर्मा ओली र पुष्पकमल दाहालसहितका नेताहरुबीच आज हुने भनिएको भेटवार्ता स्थगित भएको छ ।
पार्टीमा देखिएको विवाद समाधान गर्न बुधबार साँझ अध्यक्षद्वय छलफल गर्ने कार्यक्रम तय गरिएकाे थियो ।
बिहीबार बिहान बस्ने गरी आजकाे भेटवार्ताको कार्यक्रम स्थगित भएको प्रधानमन्त्री एवम् पार्टी अध्यक्ष ओलीका प्रेस सल्लाहकार सूर्य थापाले जानकारी दिएका छन् ।
पार्टीकाे विवाद समाधान गर्ने भन्दै आइतबारदेखि वरिष्ठ नेता झलनाथ खनाल र नेकपा संसदीय दलका उपनेता सुबास नेम्बाङलाई साक्षी राखेर २ अध्यक्षबीच निरन्तर छलफल भइरहेको छ ।
विवादकै कारण असार १० गते सुरु भएको नेकपा स्थायी कमिटी बैठकसमेत पटकपटक स्थगित हुँदै आएकाे छ ।
प्रकाशित मिति: बुधबार, साउन २१, २०७७ १७:३९