काठमाडौं । समाजवादी पार्टी र राष्ट्रिय जनता पार्टी एकीकरण भएर बनेको जनता समाजवादी पार्टी ‘जसपा’ काे केन्द्रीय कार्यकारिणी समितिको बैठक सुरु भएको छ ।
राजपा र समाजवादी पार्टीको एकीकरणपछि बनेको जसपा कार्यकारिणीको पहिलो बैठक बसेको हो । बालकुमारीस्थित तुल्सीलाल प्रतिष्ठानमा बैठक सुरु भएको जसपाका नेता केशव झाले जानकारी दिए ।
पार्टीको तल्लो तहसम्म समायोजन र नेताहरूको कार्य विभाजनबारे छलफल गर्न बैठक राखिएकाे उनले बताए । बैठकमा अध्यक्षद्वय महन्थ ठाकुर र उपेन्द्र यादव तथा वरिष्ठ नेताहरू अशोक राई, डा. बाबुराम भट्टराई र राजेन्द्र महतोसहितका नेताहरू सहभागी छन् ।
जसपामा सहअध्यक्ष, वरिष्ठ उपाध्यक्ष, उपाध्यक्ष, महासचिव, सहमहासचिव, सचिव, प्रवक्तालगायत पदाधिकारी छनौट गर्न बाँकी छ ।
बुधबार सुरु भएकाे बैठक ६ दिन चल्ने बताइएको छ ।
प्रकाशित मिति: बुधबार, साउन २१, २०७७ १४:३१
