काठमाडौं । सत्तारुढ नेपाल कम्युनिस्ट पार्टी (नेकपा) का प्रवक्ता नारायणकाजी श्रेष्ठले सरकार र प्रधानमन्त्रीबारे भारतीय सञ्चार माध्यमले गरेकाे आपत्तिजनक टिप्पणीकाे विराेध गरेका छन् ।
सामाजिक संजालमा टिप्पणी गर्दै प्रवक्ता श्रेष्ठले भारतीय मिडियाले नेपाल सरकार र प्रधानमन्त्री बारेको अनर्गल प्रचारले सीमा नाघेको बताएका हुन् ।
उनले भारतीय मिडियालाई बकबास बन्द गर भन्दै हाम्रो राष्ट्रिय सार्वभौमिकता र भौगोलिक अखण्डताको रक्षाको निम्ति एकजुट रहेको बताएका छन् ।
उनले ट्विटरमा लेखेका छन्, 'भारतीय सञ्चार माध्यमले हाम्रो सरकार र प्रमका बारेमा गरेको अनर्गल प्रचारले सीमा नाघ्यो । हद भयो । बकवास बन्द गर । हाम्रो राष्ट्रीय सार्वभौमिकता र भौगोलिक अखण्डताको रक्षाको निम्ति हामी एक्ढिक्को छौं । बिदेशीको फुटाउ र स्वार्थ पुरा गर नीति सफल हुन दिने छैनौ । यहाँ के गर्ने भन्ने हाम्रो कुरा हो ।'
भरतीय मिडिया जी बिहार टिभीले नेपालका प्रधानमन्त्री र चिनियाँ राजदूतलाई जाेडेर आपत्तिजनक शब्द र शैली प्रयाेग गर्दै रिपाेर्ट बनाएकाे थियाे ।
प्रकाशित मिति: बिहीबार, असार २५, २०७७ ०७:४३
