काठमाडौं । सत्तारुढ दल नेपाल कम्युनिस्ट पार्टी (नेकपा) को स्थायी कमिटी बैठक २ दिनका लागि स्थगित भएको छ ।
पार्टी अध्यक्ष पुष्पकमल दाहाल प्रचण्ड राष्ट्रपति विद्यादेवी भण्डारीलाई भेटेर फर्किएपछि बिहीबार दिउँसो बैठक सुरु भएको थियो । तर लगत्तै शनिबार बिहान बस्ने गरी बैठक स्थगित भएको एक नेताले जानकारी दिए ।
बिहीबार बिहान ११ बजे बोलाइएको बैठकमा प्रधानमन्त्री केपी शर्मा ओली सहभागी नभएपछि अर्का अध्यक्ष पुष्पकमल दाहाल प्रचण्डले बैठक सुरु गरेका थिए ।
बैठक चलिरहेका बेला मन्त्रिपरिषद्ले संसद अधिवेशन अन्त्य गर्ने निर्णय गरेपछि बैठक रोकिएको थियो ।
राष्ट्रपतिसँग छलफल गरेर फर्किएपछि प्रचण्डले फेरि बैठक सुरू गरेका थिए । साे बैठकमा पनि प्रधानमन्त्री ओली उपस्थित थिएनन् ।
प्रकाशित मिति: बिहीबार, असार १८, २०७७ ११:०६