काठमाडौं । सरकारको आगामी वर्षको लागि नीति तथा कार्यक्रम बहुमतले पारित भएको छ । राष्ट्रपति विद्यादेवी भण्डारीले प्रस्तुत गरेकाे नीति तथा कार्यक्रम मंगलबार संसदबाट पारित भएकाे हाे ।
जेठ २ गते राष्ट्रपति विद्यादेवी भण्डारीले संघीय संसदको संयुक्त बैठकमा प्रस्तुत गरेको नीति तथा कार्यक्रममाथि उठेका प्रश्नको जवाफ प्रधानमन्त्रीले दिए लगत्तै बहुमतले पारित भएको हो ।
नीति तथमा कार्यक्रममा विभिन्न सांसदले संशोधन प्रस्ताव गर्दा गराएकाे भए पनि बहुमत सदस्यले पक्षमा आवाज उठाएपछि बहुमतले पारित भएको सभामुख अग्निप्रसाद सापकोटाले घोषणा गरे ।
प्रतिनिधिसभाको अर्को बैठक २०७७ साल जेठ १३ गते मंगलबार दिनको १ बजे बस्ने संघीय संसद सचिवालयले जनाएको छ ।
प्रकाशित मिति: मंगलबार, जेठ ६, २०७७ १०:०१