काठमाडौं । प्रधानमन्त्री केपी शर्मा ओलीले कोही विदेशीको आशीर्वादले सरकार टिक्ने र हट्ने हुन नसक्ने बताएका छन् ।
संघीय संसदको प्रतिनिधिसभामा सरकारले पेस गरेको नीति तथा कार्यक्रममा सांसदहरूले उठाएको प्रश्नको जवाफ दिँदै प्रधानमन्त्री ओलीले यस्तो बताएका हुन् ।
‘केहीले भनेको सुनियो- गइसक्या थियो फलाना देशका राजदूतले भूमिका खेलेर अड्याइदियो,’ प्रधानमन्त्री ओलीले भने,‘अहिले नेपाली जनताको स्वाभिमानमाथि यस्ता निम्छरा बचन नबोल्दिए राम्रो हुन्थ्यो। यो सरकार नेपाली जनताबाट बनेको हो कुनै देशको आशिर्वाद टिक्ने र ढालिने कल्पना नगरे हुन्छ ।’
जनताको इच्छाले बनेको सरकार भएकाले कसैले चाहँदैमा सरकार नहट्ने उनले बताए । जनताको मतको बलमा बनेको सरकार भएकाले कसैले चाहना अनुसार सरकार हट्न नसक्ने र त्यस्तो अपेक्षा नराख्न पनि प्रधानमन्त्रीले आग्रह गरे ।
प्रकाशित मिति: मंगलबार, जेठ ६, २०७७ ०७:३९
