जनपुरधाम । काेराेना भाइरसकाे त्रासका कारण प्रदेश २ को प्रदेशसभा बैठक पनि अनिश्चितकालका लागि स्थगित भएको छ ।
विश्वभर महामारीको रुपमा फैलिएको कोभिड–१९ को प्रकोपलाई ध्यान दिँदै प्रदेशसभा बैठक स्थगित गरिएको हो ।
बिहीबार बसेको प्रदेशसभा बैठकमा सभामुख सरोज यादवले बैठक अनिश्चित कालको लागि स्थगित भएको जानकारी दिएका थिए ।
यसअघि बुधबार संघीय सरकारले एसइई लगायतका परिक्षा स्थगित गर्नुका साथै सार्वजनिक स्थानमा २५ जनाभन्दा बढी भेला हुन नहुने निर्णय गरेको थियो ।
संघीय सरकारको सोही निर्णय अनुसार प्रदेशसभा बैठक स्थगित गरिएको सभामुख यादवले बताए ।
यसअघि १ नम्बर र वाग्मती प्रदेशकाे प्रदेशसभा बैठक स्थगित भइसकेकाे छ ।
प्रकाशित मिति: बिहीबार, चैत ६, २०७६ ११:२५
