दाङ । दाङ निर्वाचन क्षेत्र नम्बर ३ (ख) मा प्रदेशसभा सदस्यका भएको उपनिर्वाचनमा (नेकपा) की उम्मेदवार विमला वली खत्री ५ हजार १ सय ४ मत फरकले विजयी भएकी छिन् ।
२४ हजार २ सय ८६ मत ल्याएर खत्री विजयी भएकी हुन् । उनका निकटतम प्रतिद्वन्द्वी कांग्रेसका केशवराज शर्माले १९ हजार १ सय ८२ मत ल्याएका छन्।
साझा पार्टीका उम्मेदवार शिवकुमार चौधरीले २६६, राप्रपाका भूपाल रावतले २२५, समाजवादीका डिल्लीबहादुर डाँगीले १५४, राष्ट्रिय प्रजातन्त्र पार्टी संयुक्तका छोटी लाल थारुले १३८, नेकपा मालेका हरिप्रसाद डाँगीले १०३, मंगोल नेशनल पार्टीका घनश्याम चौधरीले ९० मत प्राप्त गरेका निर्वाचन अधिकृतको कार्यालयले जनाएको छ।
दाङ ३ (ख) मा ६८ हजार ७ सय १९ मतदातामध्ये ४५ हजार ७ सय १८ मत खसेको थियो । ७ सय ९७ मत बदर भएको छ ।
यसैगरी बागलुङ–२ (ख) प्रदेशसभा सदस्यमा बाम गठबन्धनका उम्मेद्वार विजयी भएका छन् । आइतबार राति सकिएको मतगणनाको अन्तिम परिणाम अनुसार बामगठवन्धनका उमेदवार राष्ट्रिय जनमोर्चाका खिमबिक्रम शाही २०९७ मतान्तरले बिजयी भएका हुन् ।
जनमोर्चाको बाहुल्यता रहेको यस क्षेत्रमा सत्तारुढ दल नेकपाको समर्थन रहँदै आएको छ र यसपटक पनि नेकपाले चुनावी साझेदारी गरेको थियो ।
शाहीले ११,२३५ मत प्राप्त गर्दा निकटतम प्रतिव्दन्दी नेपाली कांग्रेसका उम्मेद्वार जीतबहादुर शेरचनले ९,१३८ मत प्राप्त गरे ।
प्रकाशित मिति: सोमबार, मंसिर १६, २०७६ ०१:१२