काठमाडाैं । सरकारले नयाँ प्रदेश प्रमुखको नाम राष्ट्रपति कार्यालयमा सिफारिस गरी पठाएको छ ।
प्रधानमन्त्री निवास बालुवाटारमा सोमबार दिउँसो बसेको मन्त्रिपरिषद् बैठकले सातै प्रदेशका प्रमुखको नाम सिफारिस गर्ने निर्णय गरेको थियाे ।
सरकारले प्रदेश १ मा सोमनाथ अधिकारी प्यासी, प्रदेश २ मा तिलक परियार, प्रदेश ३ मा विष्णु प्रसाईं, गण्डकीमा अमिक शेरचन, प्रदेश ५ मा धर्मनाथ यादव, कर्णाली प्रदेशमा गोविन्द कलौनी र सुदूरपश्चिम प्रदेशमा शर्मिला त्रिपाठीकाे नाम सिफारिस गरेकाे हाे ।
शेरबहादुर देउवा सरकारका पालामा नियुक्त भएका सातै प्रदेश प्रमुखलाई निकालेर सरकारले नयाँ प्रदेश प्रमुख नियुक्तिका लागि मन्त्रिपरिषद् बैठकबाट निर्णय गरी सिफारिस गरेको हो।
प्रकाशित मिति: सोमबार, कात्तिक १८, २०७६ १०:५२