काठमाडाैं । तीन दिने नेपाल भ्रमणमा रहेका चिनियाँ विदेशमन्त्री वाङ यी र प्रधानमन्त्री केपी शर्मा ओलीबीच भेटवार्ता भएकाे छ ।
परराष्ट्रमन्त्रीस्तरीय वार्ता गरेर ३ बुँदे सम्झौतापत्रमा हस्ताक्षर गरेलगतै प्रधानमन्त्री ओलीलाई भेट्न विदेशमन्त्री यी बालुवाटार पुगेकाे बालुवाटार स्राेतले बताएकाे छ ।
प्रधानमन्त्रीसँगकाे भेटमा दुई देशबीचकाे सम्बन्ध र आपसी हितका बारे कुराकानी भएकाे बताइएकाे छ । विदेशमन्त्री वाङ यी प्रधानमन्त्रीसँगको भेटपछि राष्ट्रपति विद्यादेवी भण्डारीसँग शिष्टाचार भेट गर्न राष्ट्रपति भवन शितल निवास जाने कार्यक्रम छ।
यस्तै चिनियाँ विदेश मन्त्री यीले मंगलबार नेपाल कम्युनिस्ट पार्टीका अध्यक्ष पुष्पकमल दाहाल र प्रमुख प्रतिपक्षी दल नेपाली कांग्रेसका सभापति शेरबहादुर देउवासँग भेटवार्ता गर्ने छन् । विदेश मन्त्री यी मंगलबार नै स्वदेश फर्कँने छन् ।
प्रकाशित मिति: सोमबार, भदौ २३, २०७६ २२:२०