काठमाडौं । राष्ट्रिय स्वतन्त्र पार्टी (रास्वपा) केन्द्रीय समितिको बैठक आउँदो शुक्रबार, भदौ ५ गते बस्ने भएको छ।
रास्वपाका महामन्त्री विपिनकुमार आचार्यका अनुसार पार्टी केन्द्रीय कार्यालय वनस्थलीमा बिहान ११ बजे बैठक बस्नेछ।
बैठकका एजेन्डा भने अझै तय भइनसकेको उनले जानकारी दिएका छन्। आवश्यक गृहकार्य भइरहेको र कार्यसूची तयार भएपछि जानकारी गराइने महामन्त्री आचार्यले बताएका छन्।
पार्टी सभापति रवि लामिछानेले केन्द्रीय समितिको बैठक आह्वान गरेका हुन्।
प्रकाशित मिति: मंगलबार, भदौ २, २०८३
