काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछानेले केन्द्रीय समिति बैठक बोलाएका छन्। बैठक पार्टीको केन्द्रीय कार्यालय बनस्थलीमा ५ गते बस्ने भएको छ।
बैठकमा पदाधिकारी तथा केन्द्रीय सदस्य मनोनयन गरेर पेस गर्ने र बैठकबाट अनुमोदन गराउने तयारी गरिएको छ।
रास्वपामा एक उपसभापति, एक महामन्त्री, एक सहमहामन्त्री, एक प्रवक्ता, तीन सहप्रवक्ता, एक कोषाध्यक्ष र दुई सहकोषाध्यक्ष मनोनयन गर्न बाँकी छ।
त्यस्तै, २७ जना सचिवालय सदस्य र ५१ जना केन्द्रीय सदस्य पनि मनोनयन गरिने तयारी छ।
रास्वपाका अनुसार केन्द्रीय समिति बैठकमा सहभागी हुन सबै केन्द्रीय सदस्यलाई जानकारी गराइसकिएको छ।
प्रकाशित मिति: सोमबार, भदौ १, २०८३
