काठमाडौं । स्पानिस क्लब बार्सिलोनाले म्यानचेस्टर सिटीका स्पेनिस मिडफिल्डर रोड्रीलाई ६५ मिलियन पाउण्डमा अनुबन्ध गर्ने भएको छ।
बीबीसीका अनुसार सन् २०२६ को फिफा विश्वकपमा स्पेनलाई उपाधि दिलाएका कप्तान रोड्रीसँग बार्सिलोनाले चार वर्षको सम्झौता गर्ने तयारी गरेको छ। ३० वर्षीय रोड्रीको ट्रान्सफर केही दिनभित्रै पूरा हुने बताइएको छ।
गत साता बार्सिलोनाले रोड्रीका लागि ३८.५ मिलियन पाउण्डको प्रस्ताव गरेको थियो। तर, म्यानचेस्टर सिटीले उक्त प्रस्ताव अस्वीकार गरेको थियो।
रोड्रीले सन् २०२४ मा बालोन डे’ओर अवार्ड जितेका थिए। उनले सिटीका लागि २९८ खेल खेल्दै १२ वटा प्रमुख उपाधि जितेका छन्। सन् २०१९ मा एट्लेटिको मड्रिडबाट ६२.८ मिलियन पाउण्डमा सिटी पुगेका रोड्रीले क्लबबाट चार प्रिमियर लिग, दुई एफए कप, तीन इएफए कप र एक च्याम्पियन्स लिग उपाधि जितेका छन्।
घुँडाको चोटका कारण रोड्रीले २०२४–२५ सिजनको अधिकांश समय मैदान बाहिर बिताएका थिए। तर, सन् २०२६ को विश्वकपमा स्पेनको कप्तानी गर्दै उनले टोलीलाई उपाधि जिताउन महत्वपूर्ण भूमिका खेले।
प्रकाशित मिति: सोमबार, भदौ १, २०८३
