काठमाडौं । नेपाली क्रिकेट टोलीका बायाँहाते स्पिनर ललित राजवंशी आईसीसी टी–२०आई बलिङ वरीयतामा ३८ स्थान माथि उक्लिएका छन् ।
आईसीसीले बुधबार सार्वजनिक गरेको नयाँ वरीयताअनुसार ललित ३८ स्थान सुधार गर्दै ८०औँ स्थानमा पुगेका हुन् । उनको रेटिङ अंक ४६८ रहेको छ ।
जापानमा भएको एसियन गेम्समा नेपालले दुई खेल खेले पनि एक खेलमा मात्रै बलिङ गरेको थियो । अफगानिस्तानविरुद्धको खेलमा ललितले ४ ओभरमा १३ रन खर्चेर ३ विकेट लिएका थिए ।
सोही प्रदर्शनका आधारमा उनको वरीयतामा उल्लेख्य सुधार आएको हो ।
बलिङ वरीयतामा सन्दीप लामिछाने दुई स्थान सुधार गर्दै ४७औँ स्थानमा पुगेका छन् भने दीपेन्द्रसिंह ऐरी एक स्थान माथि उक्लिएर ५९औँ स्थानमा छन् ।
टी–२०आई अलराउन्डर वरीयतामा भने दीपेन्द्रसिंह ऐरी चौथो स्थानमा यथावत् छन् ।
प्रकाशित मिति: बुधबार, असोज १४, २०८३
