काठमाडौं । २०औँ एसियन गेम्स २०२६ अन्तर्गत महिला कबड्डीमा नेपालले कास्य पदक जितेको छ।
शुक्रबार भएको सेमिफाइनलमा भारतसँग ४८–२४ ले पराजित भएपछि नेपाल कास्य पदकमै सीमित भएको हो।
भारतविरुद्धको खेलमा नेपाल पहिलो हाफमा ३१–१७ ले पछि परेको थियो। दोस्रो हाफमा पनि नेपाल १७–७ ले पछि रह्यो।
सेमिफाइनलमा पुगेसँगै नेपालले कास्य पदक पक्का गरेको थियो। नेपाललाई पराजित गर्दै भारत भने फाइनलमा प्रवेश गरेको छ।
योसँगै नेपाली महिला कबड्डी टोलीले एसियन गेम्समा लगातार दोस्रो पटक कास्य पदक जितेको छ। यसअघि १९औँ एसियन गेम्समा पनि नेपाली महिला कबड्डी टोलीले कास्य पदक जितेको थियो।
त्यस्तै, चीनमा भएको छैटौँ बिच एसियन गेम्समा पनि नेपाली महिला कबड्डी टोलीले कास्य पदक जितेको थियो।
प्रकाशित मिति: शुक्रबार, असोज ९, २०८३
