काठमाडौं । २०औं एसियन गेम्स २०२६ अन्तर्गत महिला कबड्डीमा नेपालले विजयी सुरुवात गरेको छ।
जापानको तोकाइ सिटिजन जिन्मेसियममा भएको खेलमा नेपालले थाइल्यान्डलाई ४६–४३ ले पराजित गरेको हो।
समूह ‘बी’ मा रहेको नेपालले समूह चरणको पहिलो खेलमा थाइल्यान्डमाथि जित हात पारेको हो।
महिला कबड्डीमा ८ टोली सहभागी छन्। समूह ‘बी’ मा नेपालसँगै थाइल्यान्ड, श्रीलंका र चाइनिज ताइपेइ छन्।
समूह ‘ए’मा इरान, भारत, बंगलादेश र जापान रहेका छन्।
प्रकाशित मिति: मंगलबार, असोज ६, २०८३
