काठमाडौं । २०औँ एसियन गेम्सअन्तर्गत महिला भलिबलमा नेपालले किर्गिस्तानलाई पराजित गरेको छ ।
समूह चरणबाट बाहिरिएका टोलीबीच भएको वरियताको खेलमा नेपालले किर्गिस्तानलाई ३–० को सोझो सेटमा हराएको हो ।
नेपालले किर्गिस्तानविरुद्ध २५–२०, २५–१६ र २५–२० को जित निकालेको हो ।
जापानको आइची नागोयामा भइरहेको प्रतियोगितामा नेपाल समूह ‘ए’ मा थियो । समूह चरणमा नेपाल जापान र इन्डोनेसियासँग पराजित भएको थियो ।
अब नेपालले ९ देखि १४औँ स्थानका लागि हङकङसँग प्रतिस्पर्धा गर्नेछ ।
प्रकाशित मिति: आइतबार, असोज ४, २०८३
-1789109208-1789365177.jpeg)
